2014-12-24 13:36

მომღერალი მარიამ როინიშვილი მეგაშოუ „ცეკვავენ ვარსკვლავებს“ ზუსტად ფინალის წინ გამოეთიშა, მიეხედავად  იმისა, რომ ისინი პროექტში ერთ-ერთ უძლიერეს წყვილად მიიჩნეოდნენ.

მარიამმა „ფეისბუქის“ პირადი გვერდიდან საკუთარ მეწყვილეს, ლევან ახვლედიანს საოცრად თბილი სიტყვები უძღვნა.

„ძალიან ბედნიერი ვარ, რომ ამ პროექტის ერთ-ერთი მონაწილე ვიყავი.

გადავხედე ყველა ცეკვას პირველი ტურიდან მოყოლებული და გამახსენდა ყველა წუთი და წამი, რომელიც მე და ლევანმა გამოვიარეთ.

ლევან!

უპირველესად უბედნიერესი ვარ, რომ ასეთი პიროვნება მედგა გვერდით.

კიდევ არ იცით რა ბედნიერებაა, როდესაც გვერდით გიდგას სამართლიანი და ღირსეული ადამიანი.

ყოველთვის იყავი დიდი საყრდენი და მე ბედნიერი ვარ, რომ უბრალოდ გაგიცანი.

დიდი მადლობა ჩვენს გულშემატკივრებს დიდი სიყვარულისთვის,“ - წერს მარიამ როინიშვილი.