როგორც მოცეკვავე გიგი გაჩეჩილაძე იხსენებს, საკმაოდ „გაფუჭებული“ ბავშვი იყო და დასჯის მიზნით ხან ეზოში არ უშვებდნენ, ხან ხაჭაპურის ფულს არ აძლევდნენ.
„შეჯიბრებში მონაწილეობა ისეთ მცირე ასაკში დავიწყე, პირველის გახსენება გამიჭირდება. ამერიკაში 11 წლის, სულ მარტო გავემგზავრე.
პირველად მაიამიში ჩავედი და მახსოვს, ვაი, როგორც ცხელა-მეთქი, პირველად ეს გავიფიქრე. სასტუმროში რომ მივედი და ის სილამაზე ვნახე, შოკში დიდხანს ვიყავი! იქ დალევა, მოწევა არალეგალური იყო, სკოლაში ვინც „კაი ტიპები“ ვიყავით, „ფეიკ აიდები“ ყველას გვქონდა, რადგან მაშინ 16-17 წლის ვიყავი, კლუბებში არ გვიშვებდნენ, სხვა გამოსავალი არ იყო.
კი დამიჭირეს რამდენჯერმე და მოწმობა დამიჭრეს, მაგრამ მერე ისეთი კარგი „აიდი“ გავაკეთე, რომ 2 წელი საქართველოშიც ვიყენებდი როგორც "პრავას“ და ვერ ხვდებოდნენ.
ბოლოს, ერთმა ქუთაისელმა პატრულმა დამიჭირა - ბიჭო, ეს პრავა არ არის. „აიდი“ აწერიაო. ჯარიმა გამომიწერეს და გადავიხადე“, - განაცხადა გიგი გაჩეჩილაძემ „გზასთან“ ინტერვიუში.
