"აფსნიპრესსის" ინფორმაციით, ხელშეკრულებას ხელი ჯერ პატის მერმა ჯუზეპე მაორო აკინომ მოაწერა, შემდეგ კი, დე ფაქტო საგარეო საქმეთა სამინისტროს წარმომადგენელმა იტალიაში მაურო მურჯიამ ხელშეკრულება აფხაზეთში ჩამოიტანა, სადაც მას ხელი მოაწერა გაგრის ე.წ. ადმინისტრაციის უფროსმა გრიგორი ენიკმა.
დე ფაქტო საგარეო საქმეთა მინისტრის მოადგილის ირაკლი ხინთბას განცხადებით, ეს გაგრისა და იტალიური ქალაქების დამეგობრების მესამე შემთხვევაა. მისივე თქმით, მიუხედავად საქართველოსა და მისი მოკავშირეების წინააღმდეგობისა, შეზღუდული რესურსების ფონზე, აფხაზეთის საგარეო საქმეთა სამინისტრო ახერხებს კონკრეტული შედეგების მიღებას. გარდა ამისა, მეგობრობისა და თანამშრომლობის შესახებ პროტოკოლი გაფორმდა იტალიის ქალაქ ტრატალიასსა და ოკუპირებული აფხაზეთში მდებარე ახალ ათონს შორისაც. ეს პირველი შემთხვევა არ არის, როდესაც ოკუპირებული აფხაზეთისა და იტალიის ქალაქებსა და დაბებს შორის დამეგობრების ხელშეკრულება ფორმდება ან იტალიაში საქართველოს ოკუპირებული რეგიონის დე ფაქტო ხელისუფლების წარმომადგენლები ჩადიან.
