-
2014-06-09 10:03
ტელეკომპანია „Звезды“-ს ჟურნალისტები ანდრეი სუშენკოვი და ანტონ მალიშევი, რომლებიც სლავიანსკისთან ახლოს უკრაინელმა სამხედროებმა დააკავეს, უკვე გათავისუფლებულები არიან და რუსეთში იმყოფებიან. ამის შესახებ დღეს „რია ნოვოსტი“ იუწყება.
ტელეკომპანიის ინფორმაციით, ჟურნალისტები რუსულ მხარეს ბელგოროდის ოლქის, საერთაშორისო გამშვები პუნქტიდან „ნეხოტეევკადან“ გადასცეს. ამავე დროს, „ინტერფაქსი“ იუწყბა, რომ ისინი მოსკოვში ხარკოვიდან ჩაიყვანეს. ოპერატორი ანდრეი სუშენკოვი და ხმის რეჟისორი ანტონ მალიშევი, სლავიანსკისთან ახლოს 7 ივნისის ღამეს დააკავეს.
უკრაინულმა მხარემ ისინი ჯაშუშობაში დაადანაშაულა. რუსეთის საგარეო საქმეთა სამინისტრომ, კიევისაგან მათი სასაწრაფო გათავისუფლება მოითხოვა. თავის მხრივ, ტელეკომპანია «Звезды»-ს ხელმძღვანელობამ ჟურნალისტების გათავისუფლების თხოვნით, უკრაინის ახლად არჩეულ პრეზიდენტს პეტრე პოროშენკოს მიმართა.