2015-01-01 08:52

ოჯახის წევრებმა და მეგობრებმა ახალი წლის დადგომა, ტრადიციულად, ე.წ. მატროსოვის ციხესთან მიულოცეს საქართველოს ყოფილ თავადცვისა და შს მინისტრს ბაჩო ახალაიას.

ოჯახის წევრები და მეგობრები უკვე მესამე წელია, ახალი წლის შემოსვლას ციხესთან ხვდებიან და ბაჩო ახალაიას ასე ამხნევებენ. ფოტოები "ფეისბუქზე" "თავისუფლებისა და მხარდაჭერის ცენტრის" დამფუძნებელმა, ბაჩო ახალაიას მეუღლემ ანი ნადარეიშვილმა გამოაქვეყნა. 

ანი ნადარეიშვილმა მილოცვის საკუთარი ტექსტიც გამოაქვეყნა:

"მთელ საქართველოს ვულოცავ დამდეგ შობა-ახალ წელს, ბედნიერების, გამარჯვებების, წარმატებების და ქვეყნის დეოკუპაციისა და გაერთიანების წელი ყოფილიყოს!

მინდა მივულოცო ყველა იმ ადამიანს, ვინც ამ ერთი წლის განმავლობაში გვერდში მედგა, მამხნევებდა და ჩემთან ერთად იბრძოდა სიმართლისა და სამართლიანობისთვის.

განსაკუთრებით ვულოცავ ჩემს ბაჩოს და ჩვენს მეგობრებს ზურას, ალეკოს და რომას! ვუსურვებ თავისუფლებას და ისევ ქვეყნის სამსახურში ჩადგომას! იმედია 2014 წელი იქნება ბოროტებაზე სიკეთის გამარჯვების წელი!".