2014-12-04 13:10

ჩეჩნეთის დედაქალაქის ცენტრში ამ დრომდე მიმდინარეობს შეიარაღებული დაპირისპირება მოჯაჰედებსა და პოლიციელებს შორის. ქალაქის თავზე უკვე გამოჩნდნენ სამხედრო ვერტმფრენები.

პარალელურად, ვრცელდება ინფორმაცია, რომ მოჯაჰედების მხარდასაჭერად გროზნოსკენ (ამ ქალაქს მოჯაჰედები მოიხსენიებენ როგორც ქალაქ ჯოხარს) ახალი რაზმები დაიძრნენ.

სროლის ხმა გროზნოში ღამის ორი საათიდან ისმის. მოჯაჰედებმა თავდაპირველად პრესის სახლი აიღეს, რომელსაც კონტრტერორისტული ოპერაციის მონაწილეებმა ყუმბარმტყორცნებითა და ტყვიამფრქვევებით გაუხსნეს ცეცხლი.

ოფიციალური ვერსიით, დაღუპულია შვიდი ბოევიკი და ათი პოლიციელი, არაოფიციალური მონაცემებით, პოლიციელებს შორის მსხვერპლი ბევრად მეტია, ბოევიკები ქალაქის სხვადასხვა ობიექტებში, მათ შორის მე-20 სკოლის შენობაში შეიჭრნენ. ასე გამოიყურება ამ დროისთვის გროზნო.