2014-12-02 03:10

ფოტოებმა, რომელიც ორეგონის შტატში, ქალაქ პორტლანდში მიმდინარე საპროტესტო აქციების დროს ფოტოგრაფმა ჯონ ნგუენმა გადაიღო, დიდი გამოხმაურება გამოიწვია. 

ფოტოებზე გამოსახულია პოლიციელი და აფროამერიკელი ბიჭუნა, რომელსაც სამართალდამცველი გულში იკრავს. ფოტოებიდან ჩანს, რომ ბიჭუნა ტირის. როგორც ფოტოების გადაღებამდელი ისტორიით ირკვევა, ბიჭი ძალიან განიცდიდა პორტლანდში მიმდინარე ამბებს (იქ საპროტესტო გამოსვლები ნაფიც მსაჯულთა მიერ იმ პოლიციელის გამართლებას მოჰყვა, რომელმაც აფროამერიკელი ახალგაზრდის მიმართ ცეცხლსასროლი იარაღი გამოიყენა, რამაც მისი დაღუპვა გამოიწვია. ნაფიცმა მსაჯულებმა მიიჩნიეს, რომ პოლიციელს იარაღი არამართლზომიერად არ გამოუყენებია). 

ბიჭს ხელში ეჭირა პლაკატი წარწერით “Free Hugs” ("უანგარო (უფასო) ჩახუტება"). პოლიციელი მასთან მივიდა და ჰკითხა, შეიძლებოდა თუ არა ცახუტებოდა, რამაც ყმაწვილს გული აუჩუყა. მიტინგზე ბიჭის დედაც იმყოფებოდა, რომელმაც მოგვიანებით, ფოტოების გავრცელების შემდეგ განაცხადა, რომ ეს იყო ყველაზე ამაღელვებელი და ემოციური ეპიზოდი მისი დედობის განმავლობაში.