-
2014-05-28 00:42
ოკუპირებული აფხაზეთის დედაქალაქში გავრცელებული ინფორმაციის მიხედვით, მომიტინგეთა რაოდენობით შეშფოთებულმა ალექსანდრე ანქვაბმა სოხუმი დატოვა და "ბომბორას" აეროდრომზე, რუსულ სამხედრო ნაწილს შეაფარა თავი.
ამასთან, რაულ ხაჯიმბამ საკუთარ მომხრეებს განუცხადა, რომ “ოპოზიციის საკოორდინაციო საბჭო რესპუბლიკის მმართველობას დროებით საკუთარ თავზე იღებს”.
დე ფაქტო პრეზიდენტმა ალექსანდრე ანქვაბმა ადმინისტრაციის შენობა მას შემდეგ დატოვა, რაც იქ ომიტინგეები შეიჭრნენ.
ანქვაბის გაქცევის შესახებ ინფორმაცია ოფიციალურად არ დასტურდება, თუმცა იმის თაობაზე, რომ ასეთი ხმები დადის, "ლაიფნიუსს" სოხუმიდან შეატყობინეს. რუსული მედიის ცნობით, სოხუმში მომიტინგეები კორუფციას აპროტესტებდნენ და რუსეთთან ინტეგრაციის დაბალ ტემპს უჩიოდნენ.