-
2019-08-15 20:10
გუგუტიანთკარში ოკუპანტებმა, რომლებიც ამ სოფელში გუშინ კვლავ გამოჩნდნენ, ხელოვნური უკანონო ბარიერების აღმართვა დღეს დილიდან განაახლეს. ადგილზე იმყოფებიან შს სამინისტროს წარმომადგენლები, რომლებიც ვითარებას აკვირდებიან.
ადგილზე მყოფი ევროკავშირის მონიტორინგის მისიის წარმომადგენლები კომენტარს არ აკეთებენ.
საგარეო საქმეთა სამინისტრო საერთაშორისო თანამეგობრობას საოკუპაციო ხაზზე მიმდინარე უკანონო პროცესების სათანადოდ შეფასებისკენ მოუწოდებს. უწყებამ უცხოელ დიპლომატებს გორის რაიონის სოფელ გუგუტიანთკარის სიახლოვეს მიმდინარე უკანონო პროცესების შესახებ დეტალური ინფორმაცია უკვე მიაწოდა.
საგარეო საქმეთა სამინისტრომ გუშინ გაავრცელა განცხადება და მიმართა საერთაშორისო თანამეგობრობას, სათანადო შეფასება მისცეს და ქმედითი ზომები მიიღოს საოკუპაციო ხაზზე მიმდინარე უკანონო პროცესებთან დაკავშირებით.
წყარო: imedinews.ge