2015-09-10 11:38

ამიერიდან Google Map-ზე აფხაზეთი, როგორც საქართველოს ერთ-ერთი რეგიონი აღინიშნება. რუკაზე გაჩნდა წარწერა „აფხაზეთის ავტონომიური რესპუბლიკა“, ადრე კი მითითებული იყო როგორც „აფხაზეთის რესპუბლიკა“. 

ცვლილება Google Map-მა ქართველი ინტერნეტ მომხმარებლის გიორგი ბალახაძის წერილობითი მიმართვის შემდეგ შეიტანა.

სიტყვა „ავტონომიურის“ დამატების შემდეგ, Google Map-ი გამორიცხავს მომავალში მისი შეცვლის შესაძლებლობას. რაც იმას ნიშნავს,რომ აფხაზეთი მოიხსენიება, როგორც საქართველოს ავტონომიური ნაწილი და არა – დამოუკიდებელი რესპუბლიკა.

რამდენიმე ადრე, ასევე გიორგი ბალახაძის წერილობითი მიმართვის შემდეგ, Google Map-მა ქალაქ სოხუმის ინგლისურენოვანი დასახელება შეცვალა, რომელიც რუკაზე მანამდე რუსული დასახელებით იყო შეტანილი. რუკაზე აფხაზეთის ავტონომიური რესპუბლიკის დედაქალაქი ინგლისურად ასეა აღნიშნული - SOKHUMI, ნაცვლად უწინდელი წარწერისა- SUKHUM.

"ათინათი"