2013-11-14 11:49

„დიპლომატიური ურთიერთობების არარსებობის გამო ჩვენი დელეგაცია საქართველოს პრეზიდენტის ინაუგურაციას ვერ დაესწრება“,

– ამის შესახებ „იტარ–ტასთან“ საუბარში რუსეთის საგარეო საქმეთა მინისტრის მოადგილემ გრიგოლ კარასინმა განაცხადა. მისი თქმით, რუსეთი მზადა საქართველოსთან ურთიერთობის ნორმალიზაციისთვის:

„ჩვენ ყურადღებით ვაკვირდებით საქართველოს ახალი პრეზიდენტის გამონათქვამებს და მისი შეხედულებები ქართულ–რუსული ურთიერთობის ნორმალიზაციის შესახებ, მისი ტონი კონსტრუქციულად გვეჩვენება და უმეტესწილად ემთხვევა ჩვენს ხედვას. ამაღლებულ მიზნებს არ ვისახავთ, მაგრამ ურთიერთობის ნორმალიზება, ვფიქრობ, შესაძლებელია“, – აცხადებს კარასინი ინტერვიუში.

მისი თქმით, რუსეთში მზად არიან, გააგრძელონ მოლაპარაკება საქართველოს პრემიერმინისტრის პირად წარმომადგენელთან ჟენევაში, რათა ქართველ და აფხაზ ხალხს შორის ურთიერთობა გაუმჯობესდეს.