„პრაიმტაიმი“ აქვეყნებს ვრცელ მასალას იმის შესახებ, რომ თავდაცვის სამინისტროს მიერ გამოცხადებული 7 ტენდერიდან სამში კომპანია „ARPANIV“ -მა გაიმარჯვა. ამ სომხურმა კომპანიამ ქართული ჯარი აკუმულატორებითა და საბურავებით უნდა მოამარაგოს.
კომპანია „არპანივი“ სომხეთშია რეგისტრირებული, ხოლო საქართველოში ფილიალი მხოლოდ ტენდერის გამოცხადების შემდეგ დააარსა. ამასთან, ის მოთხოვნილი საქონლის მწარმოებელი არ არის და რეექსპორტს რუსეთიდან ახორციელებს, რაც იმას ნიშნავს, რომ ქართულ არმიას „არპანივი“ რუსული წარმოების საბურავებითა და აკუმულატორებით მოამარაგებს.
საუბარია საბურავებზე, რომლებიც უყენდება სამხედრო-სატვირთო ავტომანქანებს, ასევე აკუმულატორებზე, რომლებიც ჯავშანტექნიკაშიც იდება.
თავდაცვის სამინისტრო სამ ტენდერში „არპანივის“ გამარჯვებას ამ სფეროში კომპანიის გამოცდილებით ხსნის და გაზეთს წერილობით განუმარტავს, რომ ტენდერში მონაწილეობის მისაღებად ფილიალის გახსნა არავითარი კანონდარღვევა არ არის.
საქართველოს თავდაცვის ყოფილი მინისტრი დიმიტრი „პრაიმტაიმთან“ ამბობს, რომ სამხედრო დანიშნულების, ან ორმაგი დანიშნულების პროდუქციის შეძენა კომპანიისგან, რომელიც იმ მეზობელ ქვეყანაშია რეგისტრირებული, სადაც რუსეთის სამხედრო ბაზაა განთავსებული, დაუშვებელია, მით უმეტეს, რომ ამ პროდუქციის ექსკლუზიური მწარმოებელი რუსეთი არ არის.
გაზეთ "პრაიმტაიმის" მიხედვით
