2019-11-19 10:01

18 ნოემბრის მშვიდობიან აქციაზე დაკავებული პირების სასამართლო პროცესი დღეს გაიმართება.

აღნიშნულ პირებს ბრალად ედებათ ადმინისტრაციული სამართალდარღვევები. როგორც დაკავებულების ადვოკატმა გიორგი ონიანმა განაცხადა პროცესი თბილისის საქალაქო სასამართლოში 10:00 საათიდან დაიწყება.

შეგახსენებთ, რომ გუშინდელი მშვიდობიანი აქცია სამართალდამცავებმა დაარბიეს და ანხორციელებდნენ მოქალაქეების მასობრივ დაკავებას.

საერთო ჯამში აქციაზე დაკავებული პირების რაოდენობამ 37-ს მიაღწია. მათ შორის არიან ადვოკატი ბექა ბასილაია, მოძრაობა „სირცხვილიას“ ორგანიზატორი გიგა მაქარაშვილი და ზუკა ბერძენიშვილი.