2014-06-25 09:19

ორი დღის წინ კიკეთში 24 წლის ნიკა ბავშვობის მეგობარმა ჩაცხრილა. დაზარალებულს  25 ტყვია აქვს მოხვედრილი  და იგი სასწაულად გადაურჩა სიკვდილს.

როგორ „კვირის პალიტრასთან“ საუბარში ნიკას ახლობლები ამბობენ, იმიტომ მიასწრეს საავადმყოფომდე, რომ ბიზესმენი ლევან ვასაძე ინციდენტს შემთხვევით შეესწრო და მან წაიყვანა თავისი მანქანით დაჭრილი ბიჭი რესპუბლიკურ საავადმყოფოში.

„ღამე იყო, იმ სიბნელეში, აბა, ვინ იქნებოდა გარეთ, მაგრამ ბოლოს ერთი მანქანა გამოჩნდა და ის ადამიანი გაიქცა და იმ მანქანას პირდაპირ გადაუდგა. მძღოლმა რომ გააჩერა, ფეხებში ჩაუვარდა, - გვიშველეო, ლევან ვასაძის მანქანა იყო. ეგ კაცი ხომ კიკეთში ცხოვრობს.

კიდევ კარგი, ლევანი იყო, - ბევრი მაგალითი არსებობს, რომ დაჭრილ და სისხლიან კაცს მანქანაში არ სვამენ და საავადმყოფოში არ მიჰყავთ, - შარში გავეხვევითო. ნიკა თავად ლევანმა მიიყვანა საავადმყოფოში. იმიტომ მიასწრეს საავადმყოფომდე, რომ ლევანი გიჟივით მიქროდა, თორემ როგორც ექიმებმა თქვეს, წამები იყო საჭირო და ნიკა ცოცხალი აღარ იქნებოდაო...“ - იხსენებს ნიკას ერთ-ერთი ახლობელი.

... გავრცელებული ინფორმაციით, ნიკა-ს მამა ბენზინგასამართი სადგურების ქსელის, „რომპეტროლის“ მეწილეა. დამნაშავის ვინაობა ცნობილია. იგი შემთხვევის ადგილიდან მიიმალა.

„კვირის პალიტრა“