2014-06-11 19:07

დუშეთში, ზემო მლეთაში, სადაც ლომისას წმინდა გიორგის სალოცავია  დღეს მეწყერი ჩამოწვა, რის გამოც ლომისობის დღესასწაულზე, მლეთაში სალოცავში ასულმა რამდენიმე ადამიანმა დაზიანება მიიღო,-ინფორმაციას kvira.ge ავრცელებს.

როგორც ცნობილია, მეწყერი საფეხმავლო ხიდის მიდამოებშია ჩამოწოლილი და დაზიანებულია რამდენიმე ავტომანქანა.

ამ დროისათვის მსხვერპლის შესახებ ინფორმაცია არ ვრცელდება. ადგილზე სამაშველო ბრიგადები მუშაობენ, მძიმე და მსუბუქი მოტეხილობებით დაზარალებული ათამდე ადამიანი უკვე გადაიყვანეს საავადმყოფოში. 

დღეს ლომისობის დღესასწაულის აღსანიშნავად მლეთაში დილიდან ძლიან ბევრი მომლოცველი იმყოფება.

კვირა.გე