2014-05-13 22:51

მოსკოვში მოქმედებს საზოგადოებრივი ორგანიზაცია „აგენტები“, მისი მოვალეობა კი უკანონო სათამაშო სახლებისა და პროსტიტუციის ბუნაგების აღმოჩენაა.  

აგენტები შედიან დაწესებულებაში, იქ მყოფებს აფრთხილებენ, რომ პოლიციის მოსვლამდე ადგილზე უნდა დარჩნენ, შემდეგ კი პოლიციის რაზმის მოსვლას ელოდებიან. აღსანიშნავია, რომ „აგენტებს“ აქვთ უფლება, დაწესებულებაში შევიდნენ, როგორც, ვთქვათ, მოთამაშეები.

მათ აქვთ რაციები, რითაც გარეთ დარჩენილ კოლეგებს უკავშირდებიან და სიტუაციას აცნობენ. ასე მოხდა მოსკოვის ერთერთ დაწესებულებაში, სადაც მდგომარეობა გაართულა იმან, რომ „აგენტები“ სათამაშო კლუბის დაცვამ გარედან ჩაკეტა. მოთამაშეებთან ერთად აღმოჩენილი „აგენტები“ არცთუ სახარბიელო მდგომარეობაში აღმოჩნდნენ, მაგრამ რატომღაც, ჩხუბი არა „აგენტებსა“ და მოთამაშეებს, არამედ, თვითონ მოთამაშეებს შორის დაიწყო.

მოვლენებს კამერა უწყვეტად იღებდა და კადრში კარგად ჩანს ორი მამაკაცი, რომელთაგან ერთი დაუნდობლად სცემს მეორეს, ის კი ხელს არ უბრუნებს და, როგორც ვიდეოან, მისივე დიალოგიდან ჩანს, შარვალში გაეპარა კიდეც - მას დაჟინებით ურჩევენ ტუალეტში შესვლას, ის კი პასუხობს: „უკვე აზრი არა აქვს, დაგვიანებულია...“