2014-04-25 23:37

შოკისმომგვრელი ვიდეო, რომელიც ინტერნეტში გავრცელდა, რუსულ ოჯახშია გადაღებული. მამა დაახლოებით ორი წლის ბავშვს სიგარეტის მოწევას ასწავლის.

თამბაქოს თავად სთავაზობს და თავად უკიდებს ცეცხლს, დედა კი ამ ყველაფერს ვიდეოკამერით იღებს. ერთ-ერთ გერმანულ საიტზე ეს ვიდეო შემდეგი კომენტარით გავრცელდა:

,,ის, რომ მოწევა ჯანმრთელობისთვის მავნებელია, სავარაუდოდ, ცნობილია მოსკოვშიც. მამა აშკარად ზრუნავს ვაჟზე.“

მამა და მისი მცირეწლოვანი ვაჟი სხედან სამზარეულოში, მამა შვილს მოწევას ასწავლის, დედა კი ამ ყველაფერს ფირზე მხიარულად ასახავს. მამა იმეორებს რამდენჯერმე თუ როგორ უნდა მოწიოს კაცმა სწორად თამბაქო და მისი ქმედებების გამეორებისკენ შვილსაც მოუწოდებს.

ვიდეო 60 ათასზე მეტმა ინტერნეტმომხმარებელმა ნახა. მათი რეაქცია აღფრთოვანებასა და შეშფოთებას შორის მერყეობს, თუმცა უმრავლესობა თანხმდება, რომ ეს ძალადობაა და ამ კონკრეტული შემთხვევით ახალგაზრდობის კეთილდღეობაზე ზრუნვისთვის შექმნილი ორგანიზაციები უნდა დაინტერესდნენ: ,,ეს ძალადობაა, ორი აზრი არ არსებობს“ წერენ მომხმარებლები.

როცა ბავშვი ასეთ მაგალითს იღებს, დიდი რისკია, რომ ის გახდეს თამბაქოს მომხმარებელი და ეს ადრეულ ასაკში მოხდეს.

გარდა ამისა, ვიდეოში ჩანს, რომ მას მშობელი დასცინის: როდესაც ბავშვს მამა აძლევს სიგარეტს, პატარა მამის მაგალითზე ცდილობს სანთებელით მის ანთებას , თუმცა ვერ ახერხებს, მაგრამ არ არის პრობლემა, ,,მზრუნველი“ მამა ადგილზეა და ის შვილს სიგარეტზე საკუთარი სანთებელით უკიდებს.