პაკისტანში 9 თვის ბავშვს მუსე ხანუს და იმ ოჯახის წევრებს, სადაც ის იზრდება, გასამართლებას უპირებენ: ბრალდებულები, მათ შორის, ჩვილიც უკვე იმყოფებოდნენ სასამართლოში, სადაც ერთი კვირის შემდეგ ისევ უნდა გამოცხადდნენ. ჩვილს თითის ანაბეჭდები აუღეს და გირაოს სანაცვლოდ გაათავისუფლეს.
პაკისტანის ქალაქ ლახორში ოჯახის უკლებლივ ყველა წევრს ბრალი ედება იმაში, რომ სახლში მისულ ინკასატორს ქვები დაუშინეს. ნავთობკომპანიის წარმომადგენელმა, რომელიც მრიცხველების დემონტაჟისთვის იყო მისული, პოლიციას მიმართa, რომელმაც მასზე თავდასხმა მკვლელობის მცდელობად შეაფასა.
ოჯახის ადვოკატმა პოლიცია არაკომპეტენტურობაში დაადანაშაულა და 9 თვის ბავშვის გათავისუფლება მოითხოვა. მოსამართლემ პოლიციელი საქმეს ჩამოაშორა, ხოლო ჩვილი გირაოს სანაცვლოდ გაათავისუფლა. მომავალ კვირას, როცა მეორე სასამართლო სხდომა გამოცხადდება, ბავშვი ადგილე აუცილებლად უნდა იყოს.
„როიტერი“ წერს, რომ 9 თვის ჩვილის პასუხისგებაში მიცემა პაკისტანის კანონებს ეწინააღმდეგება, სადაც 2013 წლიდან სისხლის სამართლებრივი საქმისთვის პასუხისმგებელი პირის ასაკმა 7-დან 12 წლამდე აიწია. - ("როიტერის" ვიდეო) -
