უკვე ას წელზე მეტია, იერუსალიმის ტაძარში, სადაც მაცხოვრის საფლავი მდებარეობს, კედელზე ხის კიბეა მიდგმული, მისი აღება კი არავის შეუძლია.
ტაძრის ფასადის მარჯვენა სარკმელთან მიდგმული კიბე ეყრდნობა კარნიზს, რომელიც საბერძნეთის მაღთლმადიდებელ ეკლესიას ეკუთვნის, ხოლო ფანჯარა სომხეთის სამოციქულო ეკლესიის დაქვემდებარებაშია.
ის, რომ ამ კიბეს აქამდე ვერავინ შეეხო, იმ შეთანხმების დაცვაზე მიანიშნებს, რომელიც ექვს ქრისტიანულ კონფესიას შორის არსებობს: ექვსივე კონფესიის წარმომადგენელთა თანხმობის გარეშე ტაძრის იერსახეში ვერავინ ვერაფერს შეცვლის.
ამავე დროს, ეს არის ქრისტიანულ კონფესიებს შორის უთანხმოების თუ არა, შეუთანხმებლობის დამადასტურებელი ნიშანი.
არსებობს ვერსია, რომ კიბე კედელზე ქვისმთლელმა მიადგა, მასზე კი არაფერია ცნობილი. ტაძარში ღვთისმსახურებას ექვსი ქრისტიანული კონფესია აღავლენს, თუმცა, კიბეს არცერთი არ ეხება.