-
2016-07-07 12:30
ოდესის გუბერნატორის, საქართველოს მესამე პრეზიდენტის მიხეილ სააკაშვილის კუთვნილი, დაჯავშნული Toyota Land Cruiser ეთნიკურად ქართველი კანონიერი ქურდის სერგო ღლონტის, იგივე გუგას დავალებით მოიპარეს, რათა დაკავებული "კანონიერი ქურდის" მიმართ ლოიალობა უზრუნველყონ. - ამის შესახებ უკრაინული გამოცემა წერს.
როგორც გამოცემა წერს, 6 მილიონი გრივნის (დაახლოებით 240.000 აშშ დოლარი) ღირებულების ავტომანქანის მოპარვის შემდეგ ცნობილი გახდა, რომ ის სწორედ "გუგას" კლანის წარმომადფგენლებს ჰყავთ გატაცებული. თავად "გუგა" - სერგო ღლონტი ამჟამად დაკავებულია და საქართველოში ექსტრადაციის მოლოდინშია. გამოცემის ვერსიით, "კანონიერმა ქურდმა" უკვე გაასაჩივრა გადაწყვეტილება ექსტრადირების შესახებ და ის კიევის სააპელაციო სასამართლომ უნდა განიხილოს.
გამოცემის ვერსიით, სასამართლოს ხვალინდელ სხდომაზე თუკი მოსამართლეები დათანხმდებიან ღლონტის ადვოკატის მოთხოვნებს და პოლიცია და პროკურატურა დიდად არ შეეწინააღმდეგება მათ, გუგა ღლონტს გაათავისუფლებენ, ხოლო ჯიპს - სააკაშვილის მძღოლს დაუბრუნებენ.
*