-
2015-12-15 23:57
ესპანელ საოპერო მომღერალს, მონსერატ კაბალიეს ექვსთვიანი პატიმრობა მიუსაჯეს გადასახადების გადახდისაგან თავის არიდების გამო. ეს გადაწყვეტილება მადრიდის სასამართლომ დღეს მიიღო.
როგორც "El Pais" აღნიშნავს, 82 წლის კაბალიე სასჯელს ციხეში არ მოიხდის, რადგანაც სასჯელი 2 წელს არ აღემატება და ამ დრომდე იგი არასდროს ყოფილა ნასამართლევი. მიუხედავად ამისა, მომღერალს დააკისრეს ჯარიმის გადახდა 240 ათასი ევროს ოდენობით, აგრეთვე მოუხსნეს დახმარებები და სუბსიდია წლინახევრის ვადით.
კაბალიე სასამართლოს სხდომას ვიდეოკონფერენციის მეშვეობით ესწრებოდა. მან თავისი დანაშაული სრულად აღიარა.
2010 წელს მომღერალმა გამოიმუშავა დაახლოებით 2 მლნ. ევრო კონცერტებზე ესპანეთში, გერმანიაში, შვეიცარიაში, იტალიაში, ლიტვაში, ჩეხეთში, რუსეთსა და უკრაინაში. სასამართლო მას დაახლოებით 500.000 ევროს ედავებოდა.