2015-09-17 22:12

საქართველოს ცხრამეტწლამდელ ფეხბურთელ ქალთა ნაკრებმა შვეიცარიაში მიმდინარე ევროპის ჩემპიონატის შესარჩევი ტურნირის შეხვედრაში შვეიცარიელ თანატოლებთან 0:23 წააგო. 

ისლანდიელთა გარდა, ქართველებთან ერთად ჯგუფში, ტურნირის მასპინძლები შვეიცარიისა და საბერძნეთის ნაკრები გუნდები ასპარეზობენ. ქართველ გოგონებს გერონტი ნაჭყებია წვრთნიდა. 

19 წლამდელების ევროპის ჩემპიონატი სამ ეტაპად ტარდება: შესარჩევი, ელიტრაუნდი და ფინალური ეტაპი. საკვალიფიკაციო (შესარჩევი) ეტაპიდან ელიტრაუნდში 11 ჯგუფურ ტურნირში გამარჯვებული 11 გუნდი და 10 საუკეთესო მეორე ადგილოსანი გავა, რომლებსაც რეიტინგების სამი ლიდერი გერმანია, ინგლისი და საფრანგეთი დაემატებიან.

ქალთა შორის უეფას U19–ის ევროპის სარბიელზე, რომელიც სათავეს ოფიციალურად 2002 წლიდან იღებს გერმანელები   4–ჯერ (2002, 2006, 2007, 2011) გახდნენ ჩემპიონები. ამ ასაკობრივ ჯგუფში ევროპის ჩემპიონის ტუტული 3–ჯერ (2003, 2010, 2013) საფრანგეთის ნაკრებს აქვს მოგებული.