2014-05-08 12:36

ნატოს გენერალურმა მდივანმა, ანდრეს ფოგ რასმუსენმა, უკრაინის მოვლენების შეფასებისას, რუსეთი თვალთმაქცობაში დაადანაშაულა.

რასმუსენმა აგრეთვე განაცხადა, რომ რუსეთი არ პასუხობს 21-ე საუკუნის წესებს და „ცივი ომის მოძველებულ“ მეთოდებს იყენებს. როგორც სააგენტო „უნიანის“ კორესპოდენტი იუწყება პოლონეთიდან, ამის შესახებ რასმუსენმა პოლონეთის საგარეო საქმეთა მინისტრთან შეხვედრაზე განაცხადა.

ნატოს გენერალურმა მდივანმა აღნიშნა, რომ აღმოსავლეთ უკრაინის ქალაქებში, შეიარაღებული პირების მიერ ადმინისტრაციული შენობების დაკავება და მძევლების აყვანა, წინააღმდეგობაშია საერთაშორისო სტანდარტებთან.