2020-04-04 14:09

ევროპიდან თბილისში რეისის ორგანიზება ძალიან მარტივია, მაგრამ ამის თავიც კი არ აქვთ.ამის შესახებ ჟურნალისტებს განუცხადა საქართველოს პრემიერ-მინისტრმა, გიორგი გახარიამ „ნაციონალური მოძრობის“ ინიციატივის შეფასებისას, რომელიც უცხოეთიდან საქართველოს მოქალაქეების სამშობლოში დაბრუნებას გულისხმობს.

„რამდენიმე კვირაა, ჭორაობენ ამის შესახებ. უბრალოდ სიტყვები აღარ მყოფნის. ევროპის ერთი ქალაქიდან თბილისში რეისის ორგანიზება ძალიან მარტივი საკითხია. ეს ხალხი კი პოლიტიკური ჭორაობის გარდა არაფერს აკეთებს. გამოდის, რომ რეისის ორგანიზების თავიც კი არ აქვთ, ამიტომ რა ფულის დახარჯვასაც აპირებენ, გადარიცხონ ფონდში და ჩვენ სისტემურად მივხედავთ თითოეულ მოქალაქეს, რომელიც საზღვარგარეთ იმყოფება“, - განაცხადა გახარიამ.