2020-04-04 11:38

ნეიროიმუნოლოგი დავით მრელაშვილი, რომელიც ამჟამად სამხრეთ კაროლინაში მოღვაწეობს ფეისბუქში წერს, რომ გვაქვს შანსი რეკორდულად დაბალი სიკვდილიანობის ქვეყანად ვიქცეთ მსოფლიოში COVID19-თან ბრძოლის კუთხით.

ის აღნიშნავს, რომ  საქართველოში COVID19 გამოჯანმრთელებული პაციენტებიდან აღებული შრატით რომ ვუმკურნალოთ 5% კრიტიკულებს ეს კარგ შედეგს გამოიღებს.

“შესაძლოა კორონავირუს გადატანილის სისხლი ოქროზე მეტად გაძვირდეს. თუკი გამოჯანმრთელებული პაციენტების შრატს გადავუსხამთ რომელიმე მძიმე პროგნოზის მქონეს, არაორდინალურ შედეგამდე მივალთ. ახალი კვლევები გამოქვეყნდა, რომ 5 ყველაზე მძიმე პაციენტს გადაუსხეს  და საკმაოდ კარგი შედეგები მიიღეს. მაშინ, როდესაც მოსალოდნელია რომ 5 დან 3 ან 4 პაციენტი ვერ გადარჩება, პლაზმის გადასხმის შემდეგ 3 პაციენტი რამდენიმე დღეში გამოეწერა და სახლში გაუშვეს, ორიც დასტაბილურდა და უკვე კარგ პროგნოზებს ელოდებიან. ეს მეთოდი მხოლოდ მე კი არ ვიცი, უკვე გაჟღერდა, ცნობილია”,– აღნიშნავს metronome.ge -სთან ინტერვიუში დავით მრელაშვილი.