2020-04-02 20:35

ბელარუსის პრეზიდენტი ქვეყანაში საგანგებო მდგომარეობის გამოცხადებაზე უარს ამბობს. ამის შესახებ სააგენტო „ბელტა“ იტყობინება.

„გულახდილათ გეტყვით, რომ დღესვე შემიძლია საგანგებო მდგომარეობის გამოცხადება და ქუჩებში პატრულის გამოყვანა. დავანახებდი საპრეზიდენტო არჩევნების წინ, რა მაგარი ბიჭი ვარ, როგორ მაქვს ყველაფერი კონტროლქვეშ აყვანილი, მაგრამ არ მსურს ეს თამაში ვითამაშო. ჩვენ ნებისმიერ დაავადებას შევებრძოლებით. ბელარუსის გამოცდილება ვირუსების წინააღმდეგ ბრძოლაში შეიძლება სხვა ქვეყნებმაც გაიზიარონ. კორონავირუსი გამონაკლისი არაა,“-აცხადებს ალექსანდ ლუკაშენკო.

დღეისათვის ბელარუსში კორონავირუსის 304 შემთხვევაა დადასტურებული. ვირუსმა უკვე იმსხვერპლა 4 ადამიანი.