2020-03-24 14:36

მსოფლიო ეპიდემიასთან დაკავშირებულ კრიზისსა და გამოწვევებზე ვრცელ მიმართვას წერს მამა თეოდორე გიგნაძე. მოძღვარი სახელმწიფოსა და ეკლესიის თანამშრომლობის აუცილებლობაზე საუბრობს და განმარტავს მოქალაქეობრივი პასუხისმგებლობას. მისი განმარტებით, ღვთისმსახურებაში გარკვეული რეგულაციები უკვე განხორციელებულია, თუმცა მდგომარეობის მიხედვით შესაძლო დამატებით ღონისძიებებს არ გამორიცხავს.

„ჩვენი მოქალაქეობრივი ვალია ვითანამშრომლოთ ხელისუფლებასთან, ხალხთან და ერთგვარად ორ ფრონტზე გვიწევს ბრძოლა: ერთი მხრივ, ვუერთგულოთ ჩვენს სარწმუნოებას და მთელი ერისთვის ვიყოთ ღმერთის ღვთაებრივი ენერგიისა, რომელიც არის საკურნებელი და გადამრჩენელი ყოველი ადამიანისა, ხოლო მეორე მხრივ, ადამიანურ სიბრტყეში გამოვიჩინოთ მოქალაქეობრივი პასუხისმგებლობა და ვითანამშრომლოთ ხელისუფლებასთან, რომელიც ყველაფერს აკეთებს იმისთვის, რომ ჩვენი ქვეყანა რაც შეიძლება ნაკლებად დაზარალებული გამოვიდეს ამ მდგომარეობიდან. ჩვენ გარკვეული რეგულაციები შემოვიტანეთ ღვთისმსახურებაში, რომელთა შესახებ ადრე განვაცხადეთ. გარდა ამისა, მდგომარეობის ცვლილების მიხედვით შემოვიტანთ ახალ-ახალ რეგულაციებს,“ჩვენი მრევლი, მართლაც როგორც ღვიძლი შვილნი მსოფლიოს და საქართველოს მართლმადიდებელი ეკლესიისა, გამოირჩევა მოქალაქეობრივი პასუხისმგებლობით. მათი ინიციატივაა ის, რასაც ახლა გავაჟღერებ: მათ გადაწყვიტეს, რომ დაავადებათა კონტროლის ეროვნულ ცენტრს თანადგომა გამოუცხადონ და ეს თანადგომა ვლინდება 10 000 ლარის ოდენობის დახმარებაში, რომელიც, რა თქმა უნდა, ზღვაში წვეთია, მაგრამ გვახარებს, რომ მრევლში ის სულისკვეთებაა გაცოცხლებული, რომლიც ზოგადად უნდა იყოს ეკლესიაში – როდესაც განსაცდელის ჟამს ერი და ბერი ერთმანეთის თანადგომას გამოხატავს და ეს არის სული ეკლესიისა და ჩვენი ტაძარი, როგორც ცოცხალი უჯრედი ჩვენი დედა ეკლესიისა, სწორედ ამ სულისკვეთებას ავლენს” – აცხადებს მამა თეოდორე გიგნაძე.