2014-05-07 20:36

დაახლოებით 50 ტონა მასის გუმბათის ჩამოქცევის შედეგად ორი ადამიანი გარდაიცვალა დღეს ხელვაჩაურში, ახალსოფლის წმინდა გიორგის სახელობის ეკლესიის მშენებლობისას.

ეკლესიის გუმბათისჩამონგრევის დროს მშენებლობაზე სულ ხუთი ადამიანი მუშაობდა, მათგან ერთმა ხარაჩოდან გადმოხტომა მოასწრო, ოთხი კი ნანგრევებში მოყვა. 

სამაშველო სამსახურმა ორი ადამიანი, რომელთაც მძიმე დაზიანება მიიღეს, ნანგრევებიდან ცოცხლად ამოიყვანა, ორი გარდაცვლილის ცხედართა პოვნას და ნანგრევებიდან ამოყვანას ორი საათი დასჭირდა. გარდაცვლილთაგან ერთ-ერთი, ბათუმის ყოვლადწმიდა ღვთისმშობლის შობის სახ. საკათედრო ტაძრის სტიქაროსანი თორნიკე მახარაძეა.

წინასწარი ინფორმაციით, გუმბათის ჩამონგრევა საყრდენი ბოძების ნაადრევად გამოცლამ ან უხარისხო სამშენებლო მასალამ გამოიწვია. მშენებლები ადგილობრივები არ იყვნენ, თუმცა დღეს, გუმბათის ჩამონგრევამდე მათ საქმეში ადგილობრივი მცხოვრებლებიც ეხმარებოდნენ.

წმინდა გიორგის სახელობის ეკლესია მეოთხეწელია, შენდება. ახალსოფლის მცხოვრებლებთან ერთად, ტაძრის მშენებლობის ინიციატორი მამა მარკოზია.

"ინტერპრესნიუსის" ფოტო