ინგოროყვას სახელობის კლინიკაში მოთავსებული, 3 მაისს სასტიკად ნაცემი დავით კოდუას მდგომარეობა ოპერაციის შემდეგ უფრო გართულდა.
ოპერაცია კოდუას გუშინვე ჩაუტარდა, რის სემდეგაც ის გადაიყვანეს ოპერაციისშემდგომი რეანიმაციის განყოფილებაში. პაციენტი ამ დრომდე მართვად სუნთქვაზე იმყოფება.
დავით კოდუას ჯანმრთელობის მდგომარეობის გაუარესების შესახებ ჟურნალისტმა და ტელეწამყვანმა ნანუკა ჟორჟოლიანმა "ფეისბუქის" საკუთარ გვერდზე რამდენიმე წუთის წინ დაწერა:
"დათოს მდგომარეობა იმდენად დამძიმდა, რომ აპარატიდან გამორთვაზე საუბარი ზედმეტია! უკვე სხვა უფრო მნიშვნელოვანზე დავიწყეთ ნერვიულობა!", - წერს ის.
შეგახსენებთ, რომ დავით კოდუა 3 მაისს, დაახლოებით 15:00 საათზე, აბაშიძის 52-ში მდებარე სილამაზის სალონთან სასტიკად სცემეს. თვითმხილველთა ინფორმაციით, თავდამსხმელები ოთხნი იყვნენ და ნიღბები ეკეთათ, მათ კოდუა ჯერ ელექტროშოკით გათიშეს, შემდეგ კი სასტიკად სცემეს. მოგვიანებით პოლიციას ბიზნესმენი ნოშრევან ნამორაძე ჩაბარდა, რომელმაც განაცხადა, რომ დავით კოდუა შურისძიების ნიადაგზე სცემა.
