2014-05-03 17:22

ჟურნალისტი და ტელეწამყვანი ნანუკა ჟორჟოლიანი საავადმყოფოს რეანიმაციის განყოფილებაში მოთავსებული, სასტიკად ნაცემი დავით კოდუას ფოტოს ავრცელებს და დეტალებს კიდევ ერთხელ იხსენებს.

"ყველას შავები ეცვა! შავი ქუდებით! ძიძამ დახმარება როდესაც სცადა, ერთმა უთხრა - ადგილს შეიცვლი და დაგცხრილავო! იარაღისკენ წაიღო ხელი. ეს იყო ერთადერთი, რომელსაც ნიღაბი არ ეკეთა და ძიძა ამბობს რომ
ამოცნობას შეძლებს!..", - წერს ჟურნალისტი.

დავით კოდუა აბაშიძის ქუჩაზე, დაახლოებით 15:00 საათზე, ოთხმა ნიღბიანმა პირმა სასტიკად სცემა. ნანუკა ჟორჟოლიანის თქმით, თავდამსხმელებს ნიღბები ეკეთათ და ელექტროშოკებით იყვნენ შეიარაღებული.