2014-05-03 00:26

ოდესაში, კულიკოვოზე მდებარე პროფკავშირების სახლში გაჩენილ ხანძარს, ამ დროისთვის არსებული მონაცემებით, 31 ადამიანი ემსხვერპლა. მსხვერპლის რაოდენობა ამ დრომდე ზუსტდება.

უკრაინული მედია თვითმხილველებზე დაყრდნობით წერს, რომ დაღუპულთა შორის 15 რუსეთის მოქალაქეა, 10 კი დნესტრისპირეთიდანაა. თვითმხილველები წერენ, რომ დაღუპულთა უმრავლესობა ოდესელი არ არის.

დაჭრილია 10 მილიციელი, დაიჭრნენ ასევე პროუკრაინული მიტინგის მონაწილეები, რომლებსაც ცეცხლი პროფკავშირების სახლიდან გაუხსნეს. დაზარალებულთა რაოდენობა ამ დროისთვის 40-დეა.

მას შემდეგ, რაც პროუკრაინული მიტინგის მონაწილეებმა მოახდინეს ოდესაში, კულიკოვოს ველის ქუჩაზე მდებარე სეპარატისტთა ბლოკ-პოსტების ლიკვიდირება, ტერორისტები პროფკავშირების სახლში გამაგრდნენ და იქედან ისროდნენ.

პროუკრაინელმა აქტივისტებმა მოახერხეს კარების შემტვრევა და შენობაში შეჭრა. შენობაში ხანძარი გაჩნდა, ალი ძირითადად, მე-2 და მეხუთე სართულებს მოედო, რის სემდეგაც ხალხმა მარალი სართულების ჩამტვრეული ფანჯრებიდან დაიწყო გადმოხტომა, რამაც ფატალური შედეგების სიმრავლე გამოიწვია.

აქტივისტების განმარტებით, პროფკავშირების სახლში აღმოჩენილია დიდი რაოდენობით ცეცხლსასროლი იარაღი.