რუსეთის საგარეო საქმეთა სამინისტროს ოფიციალურ ვებგვერდზე გამოქვეყნებულ განცხადებაში ნათქვამია, რომ სირიელი მეამბოხეებისთვის საწვრთნელი ბაზის გახსნა საქართველოში პრობლემას შეუქმნიდა რუსულ-ქართულ ურთიერთობებს, რომელთა ნორმალიზება შეიმჩნევა.
აქვე აღნიშნულია, რომ გარდაუვალი იქნებოდა უარყოფითი შედეგები რუსეთ–საქართველოს შორის ურთიერთობების ნორმალიზაციის პროცესში, რომელიც ამ დროისთვის წარმატებით მიმდინარეობს ნათქვამია უწყების მიერ გამოქვეყნებულ განცხადებაში. აქვე წერია, რომ მოსკოვმა უკვე იცის პრემიერ ღარიბაშვილის მიერ ამ ინფორმაციის ოფიციალურად უარყოფის შესახებ და მომავალშიც გააგრძელებს ამ თემაზე დაკვირვებას.
ეხმაურებიან რა რუსეთის საგარეო საქმეთა სამინისტროს განცხადებას, მმართველ გუნდში აცხადებენ, რომ ლავროვის უწყების განცხადება უსაფუძვლოა, რადგან ეს საკითხი არ არის აქტუალური. "არავითარი ბაზის შექმნა არ იგეგმება", - ამბობს გია ვოლსკი.
"კურიერის" მიხედვით