-
2014-10-02 14:51
პეკინის 34-ში შეკრებილი არიან ასევე „ნაციონალური მოძრაობის“ ლიდერები და მათი მხარდამჭერები.
„ნაციონალური მოძრაობის“ ერთ-ერთი ლიდერის, გიგა ბოკერიას თქმით, ხელისუფლებამ ძალადობა ახალ საფეხურზე გადაიყვანა და ოფისებში შევარდნა დაიწყო.
„ივანიშვილის მთავრობა და მისი გუნდი ძალიან სახიფათო ზღვარს გადასცდა. ის ძალადობა, რომელსაც 2 წელია, ვხედავთ, ახალ საფეხურზე აიყვანეს და ოფისებში შევარდნა დაიწყეს.
ეს არ იქნება კარგი არც ივანიშვილისთვის, არც იმ ხალხისთვის, ვინც ამის ორგანიზებას აკეთებს და არც ქვეყნისთვის“, - განაცხადა ბოკერიამ.
თავის მხრივ, „სამოქალაქო ჩართულობის ცენტრის“ წარმომადგენელმა მელორ ვაჩნაძემ აღნიშნა, რომ მათი მხრიდან, დაპირისპირებისკენ არც ერთი ნაბიჯი არ იქნება გადადგმული.
„ვაპროტესტებთ ჟურნალისტ ზაზა დავითაიას ცემას ე.წ. „თავისუფალი ზონის“ მიერ, რომელიც „ნაციონალური მოძრაობის“ სატელიტია.
თქვენ ხედავთ, რომ ბოკერია და დარჩიაშვილი ამოფარებულნი არიან ზონდერებს და იმედი აქვთ, რომ ამ 15 ზონდერის ხარჯზე მობრუნდებიან ხელისუფლებაში. ეს არ მოხდება.
არჩევნებზე კი მათ ხმას არავინ მისცემს. ჩვენ კანონმორჩილი მოქალაქეები ვართ და დაპირისპირებისკენ არც ერთ ნაბიჯს არ გადავდგამთ. მათი მხრიდან თუ რამე იქნება, აქ უამრავი პოლიციელია და ისინი ამ ქმედებას აღკვეთენ“, - განაცხადა ვაჩნაძემ.
აქცია „თავისუფალი ზონის“ ოფისთან 15:00 საათზეა დაგეგმილი.