-
2014-06-15 12:24
,,არ ვიცი, რა სიტყვა ვიხმარო, მაგრამ მარგველაშვილმა უმსგავსობა ჩაიდინა"–ყოფილი პრემიერის განცხადებით, პრეზიდენტის ყოფილი მრჩეველი ვანო მაჭავარიანი ”ნაციონალური მოძრაობის” წევრი იყო და პრეზიდენტის მრჩევლად დანიშვნამდე მარგველაშვილთან მას ხანგრძლივი პოლემიკა ჰქონდა.
"მაჭავარიანს 7 ათასი ლარი დაუნიშნეს ხელფასად. ჩვენ ოქტომბერში გავიმარჯვეთ და ის ისევ იქ მუშაობდა. გილაურმა შემომითვალა, ეს კაცი ორჯერ არ მოსულა სამსახურში, ხელფასის ასაღებადაც კი არ მოსულა, ქრთამის სახით იღებს ხელფასს და თქვენ ხომ არ გჭირდებათო.
მე ვუთხარი, მე არც მომიყვანია და არც წაყვანას ვაპირებ-თქო და ისევ გილაურმა გაათავისუფლა. ეს კაცი "ნაციონალური მოძრაობის" წევრი იყო მთელი ამ ხნის განმავლობაში, ჩემი აზრით. არ ვიცი, რა სიტყვა ვიხმარო, მაგრამ უმსგავსო საქციელი ჩაიდინა და ასეთი ადამიანი გახდა ახალი პრეზიდენტის სახე.
ეს ჩემთვის უსიამოვნო, მიუღებელი იყო, არაერთხელ ვიდავეთ მე და გიორგი მარგველაშვილმა. ის ამბობდა, მათ კარგი ძმობა არ აქვთო, მაგრამ გადასარევი ძმობა აქვთ. ამაზე ხანგრძლივი პოლემიკა მქონდა, უშედეგოდ, თუმცა გიორგი მარგველაშვილს ამის უფლება აქვს", - აღნიშნა ივანიშვილმა.