2014-06-13 09:12

ღამის განმავლობაში ხმაური იყო „ქართული ოცნების“ ოფისთან თბილისში: კოალიციის გამგებლობის კანდიდატი მარნეულში მერაბ თოფჩიშვილი მისი კანდიდატურის მოხსნის შესახებ პოლიტსაბჭოს გადაწყვეტილებას აპროტესტებდა.

ოფისთან შეკრებილი იყვნენ მერაბ თოფჩიშვილის მხარდამჭერები, ისინი გადაწყვეტილების შეცვლას ითხოვდნენ. თავად თოფჩიშვილი სამი საათის განმავლობაში მართავდა კონსულტაციას ოფისში, მაგრამ რა გადაწყვეტილება მიიღეს საბოლოოდ, მას არ დაუკონკრეტებია:

„მე ვდგავარ ჩემს ხალხთან ერთად და ცოტა ხანში გეტყვით, რა გადაწყვეტილებას მივიღებ“, - უთხრა თოფჩიშვილმა ჟურნალისტებს.

ცესკოში აცხადებენ, რომ კანდიდატურის მოხსნის შესახებ კოალიციის ზეპირი განცხადების მიუხედავად, თოფჩიშვილის გვარი საარჩევნო ბიულეტენებში მაინც იქნება.

შეგახსენებთ, კოალიცია „ქართულმა ოცნებამ“ მარნეულში საკუთარი კანდიდატურის მოხსნის შესახებ განცხადება გუშინ გავრცელდა, სადაც ნათქვამია, რომ გადაწყვეტილება მიღებულია იმ მიზნით, რათა „ნაციონალურმა მოძრაობამ“ ვერ შეძლოს ეთნიკურ ნიადაგზე დაპირისპირების გაღვივება მარნეულში.