რაზე მიანიშნა ლავროვმა, როცა საქართველოს შინაურ საქმეებში ჩაურევლობაზე საუბრობდა

Image

6 მაისს ვენაში სერგეი ლავროვის მიერ გაკეთებული განცხადების შესახებ ნიუსი „იტარ-ტასმა“ გაავრცელა. მისი შინაარსიდან სათაურშიც და ლიდშიც გამოირჩა ფრაზები, სადაც სერგეი ლავროვი საქართველოს მიერ ევროკავშირთან ასოცირების ხელშეკრულებაზე ხელმოწერის შემთხვევაში რუსეთის მხრიდან ჩაურევლობაზე საუბრობდა.

 

რასაკვირველია, ლავროვის ამ პოზიციაზე, როგორც რუსეთის მხრიდან პროცესში არჩარევის გარანტზე, გამახვილდა ყურადღება ქართულ მედიაში. ლავროვის სიტყვები გაიმეორეს საქართველოს ხელისუფლების წარმომადგენლებმაც იმის დასტურად, რომ რუსეთისგან საფრთხე მოსალოდნელი არ არის. სავარაუდოდ, სწორედ ლავროვის პოზიციას გულისხმობდა საქართველოს პრემიერმინისტრიც 4 ივნისის პრესკონფერენციაზე, როცა განაცხადა, რომ რუსეთის ხელისუფლებამ გააკეთა განცხადება ხელშეკრულების ხელმოწერის პროცესში ჩაურევლობის შესახებ.

 

ამავე დროს, არანაკლებ საინტერესოა ის მინიშნებები, რაც პირველმა რუსმა დიპლომატმა სწორედ 6 მაისს გააკეთა. გადავხედოთ ციტატას:

 

„ჩემი რჩევა იქნება, დაინტერსდით, რას აპირებენ ევროკავშირი და აშშ, აქვთ თუ არა მათ რაიმე სახით გეგმა იმ შემთხვევისთვის, თუკი საქართველოს ხელისუფლება არ გააკეთებს იმას, რასაც ისინი მოელიან. არ მინდა, არათავაზიანი განცხადება გავაკეთო, მაგრამ ამ საკითხთან დაკავშირებით (გულისხმობს ქვეყნის შიდა საქმეებში ჩარევას, - ლ.ბ.) შეკითხვის ადრესატები სწორედ ისინი არიან. ჩვენ არ ვართ დაკავებული „ფერადი“ რევოლუციების მოწყობით, მით უმეტეს, ყავისფერი შეფერილობით, როგორც ეს უკრაინაში მოხდა.

 

ევროკავშირის რეაქცია უკრაინის პრეზიდენტის ლეგიტიმურ გადაწყვეტილებაზე, გადაედო ევროკავშირთან ასოცირების შესახებ ხელშეკრულების ხელმოწერა ისტერიკასთან ახლოს იყო. უცებ დაუჭირეს მხარი სახალხო პროტესტს, რომელიც რადიკალების მიერ იყო ორგანიზებული. შედეგად, მშვიდობიანი მოქალაქეების სიხლი დაიღვარა.

 

ჩემთვის გაუგებარია, რატომ ჰქონდათ ევროკავშირსა და მის მხარდამჭერ აშშ-ს ასეთი შეუსაბამო რეაქცია, თუკი ეს არ იყო სურვილი, ერთხელ და სამუდამოდ მოეწყვიტათ უკრაინა რუსეთისგან და ეიძულებინათ იგი, ხელოვნური არჩევანი გაეკეთებინა დასავლეთსა და რუსეთს შორის? რა გამოვიდა აქედან, ალბათ, თვალყურს ადევნებთ...“

 

სერგეი ლავროვმა ამავე განცხადებაში გამოთქვა იმედი, რომ ქართველ კოლეგებთან კონტაქტი დაეხმარება ორივე მხარეს, ორი ქვეყნის ურთიერთობაში არსებული ახალი რეალობა გაითვალსწინოს:

 

„ჩვენ გვსურს, რომ საქართველო სტაბილური სახელმწიფო იყოს და იქ ხალხი კარგად ცხოვრობდეს, მაგრამ ეს არ ნიშნავს, რომ აფხაზეთსა და სამხრეთ ოსეთს ჩვენ განვიხილავთ საქართველოს სიტუაციის კონტექსტში. ისინი ჩვენი მეზობლები არიან“.

 

„ჩვენ დიდი იმედი გვაქვს, რომ კონტაქტები, რომლებიც ხორციელდება ჩვენსა და ქართველ კოლეგებს შორის, დაგვეხმარება, რათა მშვიდად და ჯანსაღად შევხვდეთ ახალ რეალობას“, - დაამატა სერგეი ლავროვმა.

 

ლაშა ბერულავა

რედაქტორის რჩევით

"ფრესკო" პროტესტის ნიშნად ერთი დღით სამუშაო პროცესს აჩერებს

2019-11-19 12:55
კომპანია „ფრესკო“ პროტესტის ნიშნად ერთი დღით სამუშაო პროცესს შეაჩერებს.

აფხაზეთში ხანძრის ჩაქრობა ჯერ კიდევ ვერ მოხერხდა

2019-11-19 11:48
აფხაზური მედიის ცნობით, ცეცხლი 11 000 ჰექტარზეა გავრცელებული. კვამლი შეინიშნება სოხუმის,...

აქციაზე დაკავებული პირების სასამართლო დღეს გაიმართება

2019-11-19 10:01
18 ნოემბრის მშვიდობიან აქციაზე დაკავებული პირების სასამართლო პროცესი დღეს გაიმართება.

ეცერისა და ცხუმარის ტყეები იწვის

2019-11-19 09:48
ცხუმარისა და ეცერის ტყეებში ხანძარია.
რჩეული ვიდეოები

"მის მსოფლიოზე" საქართველოს ნინი გოგიჩაიშვილი წარადგენს

2019-11-15 17:54
„მის მსოფლიო 2019“ 9 დეკემბერს ტაილანდში გაიმართება.

„soul” - ახალი გულში ჩამწვდომი ანიმაცია Pixar-ისგან

2019-11-11 13:30
„სული“ - ასე ქვია Pixar-ის ახალ შემოქედებას, რომელიც მაყურებელში მძაფრ ემოციებს გამოიწვევს.

"მედიაფოკუსი მშვიდობაზე" - პირველი გადაცემა

2018-09-23 19:03
‘’სამოქალაქო განვითარების საერთაშორისო ქსელმა’’ (INCD) 2018 წლის 1 აგვისტოს კანადის მთავრობის...

ნათელაშვილი: სადაც გაგიჭირდებათ, ყველგან გუგავა მოვა...

2017-09-14 16:31
საქართველოს მთავარმა ლეიბორისტმა დღეს თბილისის მერობის კანდიდატად გიორგი გუგავა წარადგინა და...

გამოკითხვა

2018 წელს ხელისუფლების საქმიანობას შევაფასებდი:

დადებითად - 33.3%
უარყოფითად - 50%
საშუალოდ - 16.7%
ხმების რაოდნობა: 6
ხმის მიცემა შეწყვეტილია !

ვალუტა

1
EUR
 - 
3.2888
0.0109
100
RUB
 - 
4.6555
0.0024
1
USD
 - 
2.9736
0.0013

გუშინ:

ჰიტები:827 უნიკალური:624

მიმდინარე:

ჰიტები:380 უნიკალური:316