2014-06-03 12:48

მთავრობის წევრთა ხელფასებისა და პრემიების რაოდენობის პარალელურად, „კვირის ქრონიკამ“ მოიპოვა საქართველოში მოქმედ პოლიტიკურ პარტიებში არსებული სახელფასო ნიხრები პარტიის წევრებისა და ლიდერებისთვის.

„ქვეყანაში, სადაც პრეზიდენტის 7 200-ლარიან ხელფასზე დიდი გულმოდგინებით დაობენ, პოლიტიკური პარტიების წარმომადგენლების დიდი ნაწილის ყოველთვიური ხელფასები, პრეზიდენტის ამჟამინდელ ხელფასზე 2-ჯერ, ხან კი მეტჯერ მაღალია“, - წერს ჟურნალისტი დარეჯან ლიპარტელიანი „კვირის ქრონიკაში“.

"ეროვნული ფორუმი" - პარტიის ყველაზე მაღალანაზღაურებადი პირი, პარტიის თავმჯდომარე, კახა შარტავაა. მისი ყოველთვიური ხელფასი - 21 000 ლარია; 

"ქრისტიან-დემოკრატიული მოძრაობის" თავმჯდომარის, გიორგი თარგამაძისა და პარტიის გენერალური მდივნის, ლევან ვეფხვაძის ყოველთვიური ხელფასი 30 000 ლარი იყო;

მათ 2 500 ლარით ჩამორჩებოდნენ პარტიის ქალთა ორგანიზაციის თავმჯდომარე, მაგდა ანიკაშვილი და პარტიის რეგიონალური სამსახურის უფროსი, გიორგი ახვლედიანი. მათი ყოველთვიური ხელფასი 27 500 ლარი იყო; 

"საქართველოს ევროპელი დემოკრატების" ლიდერის, პაატა დავითაიას ყოველთვიური ხელფასი 42.000 ლარია; 

"დემოკრატიული მოძრაობა - ერთიანი საქართველოს" ბუღალტრად ნინო ბურჯანაძეა მითითებული, მისი ყოველთვიური ხელფასი 12 500 ლარია;

"ეროვნულ-დემოკრატიული პარტიის" ლიდერის, ბაჩუკი ქარდავას ყოველთვიური ხელფასი 7 500 ლარია; 

პარტია "თავისუფალი დემოკრატების" თავმჯდომარის, ირაკლი ქადაგიშვილის ხელფასი 23 500 ლარია; 

პარტია "ახალი მემარჯვენეების" ლოჯისტიკის სამსახური უფროსის, დავით ტყეშელაშვილის ყოველთვიური ხელფასი 8 250 ლარია; 

"ლეიბორისტული პარტიის" ყველაზე მაღალი ყოველთვიური ხელფასი 12 386 ლარია, მას იოსებ სამხარაძე იღებს, მისი თანამდებობა არ არის მითითებული; 

"მოძრაობა სამართლიანი საქართველოსთვის" ლიდერის სერგო ჯავახაძის ყოველთვიური ხელფასი 4 000 ლარია; 

პარტია "საქართველოს გზის" ყველაზე მაღალანაზღაურებადი პირი თეიმურაზ მურვანიძეა, რომელიც ხელფასს უნაღდო ანგარიშსწორების სახით იღებს - 16 750 ლარის ოდენობით; 

"საქართველოს კონსერვატიული პარტიის" ხელმძღვანელის, ზვიად ძიძიგურის ყოველთვიური ხელფასი 12 750 ლარია; 

"ქართული დასის" ყველაზე მაღალანაზღაურებადი კადრი თორნიკე ბაღათურიაა, მისი ხელფასი 2 400 ლარია.

"მრეწველობა გადაარჩენს საქართველოს" ლიდერის, ზურაბ ტყემალაძის ყოველთვიური ხელფასი 56 875 ლარია; 

პარტია "ხალხის პარტია" - სახელფასო გრაფა ცარიელია; 

პარტია "თავისუფალი საქართველოს" ყველაზე მაღალი ხელფასი 3 088 ლარია, მას პარტიის ბუღალტერი, ქეთევან ურდულაშვილი იღებს;

"ქრისტიან-დემოკრატიული სახალხო პარტიის", თბილისის ორგანიზაციის თავმჯდომარის ეკატერინე ჩიტიაშვილის ყოველთვიური ხელფასი 19 500 ლარია; 

ამასთანავე: 

პარტია "ქართული ოცნება - დემოკრატიული საქართველოს" აღმასრულებელი მდივნის, არმაზ ახვლედიანის ყოველთვიური ხელფასი 8 899 ლარს შეადგენს; 

"ერთიანი ნაციონალური მოძრაობის" ცენტრალური ადმინისტრაციის უფროსის ელენე ჯავახაძის ყოველთვიური ხელფასი 18 000 ლარია; 

"რესპუბლიკური პარტიის" ყველაზე მაღალანაზღაურებადი პირი კი თამარ რომელაშვილია, მისი ხელფასი 16 800 ლარია; 

ზემოჩამოთვლილ პოლიტიკურ პარტიებში ხელფასის მინიმალური ოდენობა 50-დან 500 ლარამდე ფიქსირდება.