-
2014-05-22 13:19
კონსტიტუციაში ცვლილებების განხორციელების 3/4-იანი კვორუმი შესაძლოა, 2/3-მდე შემცირდეს.
კონსტიტუციის გადასინჯვის პროცედურებზე სახელმწიფო საკონსტიტუციო კომისიის ფარგლებში შექმნილი სპეციალური ჯგუფის მუშაობს. როგორც ჯგუფის ხელმძღვანელმა, იურიდიულ მეცნიერებათა დოქტორმა პაატა ცნობილაძემ განაცხადა, ამ მიმართულებით საჭიროა ლიბერალური მოდელის ამოქმედება.
მისივე თქმით, საჭიროა, დაიხვეწოს კონსტიტუციაში ცვლილებების განხორციელების წესი. ამ მიმართულებით განიხილება რამდენიმე ვარიანტი, თუმცა, ცნობილაძე ამ ვარიანტების დაკონკრეტებისგან ჯერჯერობით თავს იკავებს.
შეგახსენებთ, საპრეზიდენტო არჩევნების შემდეგ ამოქმედებული ახალი საკონსტიტუციო ნორმების ფარგლებში გართულდა კონსტიტუციაში ცვლილებების განხორციელების მექანიზმები.
კერძოდ, საკონსტიტუციო პროექტის დასამტკიცებლად პარლამენტს ხმების 3/4 სჭირდება. ამასთან, კონსტიტუციური პროექტის განხილვისთვის საჭიროა ორი სასესიო პერიოდი, არანაკლებ სამთვიანი ინტერვალით.