2014-05-21 17:59

ერეკლეს მოედანზე პარტია „ქართული ოცნება - დემოკრატიული საქართველოს“ ოფისთან იპოთეკით დაზარალებულები შეიკრიბნენ.

ისინი ხელისუფლებისგან მოითხოვენ, თვითმმართველობის არჩევნებამდე გასცენ პასუხი - როგორ გადაწყდება მათი საკითხი. აქციის მონაწილეებიდან რამდენიმე ადამიანი ოფისში, პარტიის წარმომადგენლებს ხვდება, სადაც აღნიშნული საკითხი განიხილება.

როგორც იპოთეკით დაზარალებულები აცხადებენ, თუ მათი საკითხი დადებითად არ გადაწყდა, ყველა იპოთეკით დაზარალებულს მოუწოდებენ არჩევნების ბოიკოტირებისკენ და აქტიურ რეჟიმში გადასვლისკენ.