2019-10-08 11:49

საქართველოს პრეზიდენტმა რუსეთის მისამართით გამოთქმული შეურაცხმყოფელი გამონათქვამების გამო ბოდიში უნდა მოიხადოს, – ამის შესახებ რუსეთის დუმის თავმჯდომარემ ვიაჩესლავ ვოლოდინმა ტელეარხ “როსია-24”-სთვის მიცემულ ინტერვიუში განაცხადა.

ვოლოდინმა აღნიშნული ივლისის თვეში განვითარებულ მოვლენებზე საუბრისას აღნიშნა.

“ურთიერთობა ლაგდებოდა, ვიღაცას დასჭირდა თბილისში ამ კონფლიქტის გამოწვევა, მაშინ როდესაც ჩვენი დელეგაცია ქართული მხარის მიწვევით იყო იქ. საქართველოს პრეზიდენტმა კი, იმის მაგივრად, რომ დაეგმო მომხდარი, რუსეთი აგრესორად გამოაცხადა. რაში დასჭირდა ეს? ახლა კი, დუმს”, – თქვა ვოლოდინმა.