2016-04-07 01:00

მოსკოვის ცენტრში, საზოგადოებრივი ტრანსპორტის გაჩერებაზე, მოსაცდელის გვერდითა მხარეს უცნობებმა ვლადიმირ პუტინის პლაკატი გააკრეს. 

პლაკატის წარწერა ორაზროვანი შინაარსისაა: მასზე გამოსახულია ვლადიმირ პუტინი მუნდშტუკით, სათვალეებითა და ე.წ. "პანამა" ქუდით, ხოლო წარწერაზე იკითხება: "Какая Панама?". წარწერა ორაზროვანია და რუსულად აღიქმება როგორც "როგორი პანამაა?" და ასევე, როგორც "რა პანამა?"

შეგახსენებთ, 4 აპრილს ICIJ-ის ჟურნალისტმა გამომძიებლებმა დაადგინეს, რომ ვლადიმირ პუტინმა და მასთან დაახლოებულმა პირებმა ბანკ "როსიას" მეშვეობით პანამის ოფშორულ ზონებში 2 მილიარდ დოლარზე მეტი გაათეთრეს.