2016-03-13 23:21

ოდესის ოლქის ადმინისტრაციის ხელმძღვანელის მიხეილ სააკაშვილის წინააღმდეგ აქციების ორგანიზებით "ქართული ოცნების" ხელისუფლების ყოფილი მაღალჩინოსანი, შს სამინსიტროს გენერალური ინსპექციის ყოფილი უფროსი, ინგა ბერიკაშვილი იყო დაკავებული.

ჟურნალისტმა ზაზა სვაძემ დღეს "პოსტ სკრიპტუმს" უამბო, რომ ორი თვის წინ სწორედ ინგა ბერიკაშვილი დაუკავშირდა და თბილისიდან ოდესაში, აქციებში მონაწილეობის მისაღებად, ანაზღაურების სანაცვლოდ, აქტივისტების ჩაყვანა სთხოვა. დავალების თანახმად, მათ ოდესის ცენტრში სააკაშვილის წინააღდეგ მიტინგები უნდა მოწყოთ.

ინგა ბერიკაშვილი ამ პოსტზე ირაკლი ღარიბაშვილის მინისტრობის დროს დაინიშნა, მანამდე კი "ქართული ოცნების" ადამიანის უფლებათა დაცვის კომიტეტში მუშაობდა.

ქართველების აქციები ოდესაში ჯერ არ დაწყებულა. თუმცა, სააკაშვილის წინააღმდეგ ახლა ქალაქში აქტიური კამპანია მიმდინარეობს. ქუჩაში დადის ავტომობილი, რომელიც ხალხს ურჩევს, გუბერნატორი გააძევნონ. ქალაქის 20 წერტილში კი სააკაშვილის გადაყენების მოთხოვნით ხელმოწერებს აგროვებენ.