2016-02-19 19:39

ზაზა ბიბილაშვილი "ფეისბუქზე" აქვეყნებს სტატუსს, სადაც ის "ქართული ოცნების" მომხრეებს მიმართავს. ზაზა ბიბილაშვილი წერს:

"2013 წელს მთავრობამ გამოაქვეყნა სააკაშვილის მიერ აშენებული იმ ობიექტების ნუსხა, რომელსაც ის "არამიზნობრივად" მიიჩნევდა. მათ შორისაა: ქუთაისის და მესტიის აეროპორტები, გოდერძის სათხილამურო კურორტი და ლაზიკა/ანაკლია.

დღეს მოქმედები მინისტრების უმეტესობა მაშინაც მთავრობაში იყო. პრემიერი კვირიკაშვილი ეკონომიკის მინისტრის რანგში აწერდა ხელს ამ უსინდისობას, ხოლო დღეს გოდერძიზე მოთხილამურე ახალგაზრდა ინტელიგენტები ტაშს უკრავდნენ, როცა ივანიშვილი ამ პროექტების შემქმნელებს იჭერდა და დევნიდა.

ამ ყველაფრის გათვალისწინებით, მინდა, დ. ტურაშვილის ყველაზე ცნობილი სიტყვებით მივმართო ამ (ბოდიში მომითხოვია და) ქოცებს: თქვენ სამარცხვინოები ხართ, ამხანაგებო. თქვენ შვილებს შერცხვებათ თქვენი შვილობა. ვერანაირი ხელფასი, პრემია-დანამატი და ივანიშვილის მიერ ყოველთვიურად, კონვერტით გამოგზავნილი ქრთამი ვერ გადაწონის იმ სირცხვილს, რომელიც თქვენ სახელებთან იქნება დაკავშირებული".