2016-02-03 11:57

გუშინ, 2 თებერვალს, პარლამენტის ბიურომ მიიღო გადაწყვეტილება, რომლის თანახმადაც დღეს, პრეზიდენტის გამოსვლის შემდეგ არ გაიმართება პოლიტიკური დებატები.

ეს ნიშნავს რომ „ახალ პოლიტიკურ ცენტრ - „გირჩს“ არ მიეცემა შესაძლებლობა, დასვას კითხვები:

ამიტომ, ჩვენ გადავწყვიტეთ საჯაროდ დავუსვათ სამი შეკითხვა პრეზიდენტს. იმედს ვიტოვებთ, რომ ის ეცდება დღევანდელი გამოსვლა გახადოს დასამახსოვრებელი, არ შემოიფარგლება მხოლოდ ზოგადი განცხადებებით და კეთილი სურვილებით, და აღიარებს დაშვებულ შეცდომებს, რაც ყოველთვის პრობლემა იყო ქართულ პოლიტიკაში.

1. როდესაც პრეზიდენტი მარგველაშვილი იყო ოცნების მთავრობის წევრი, მისმა მთავრობამ უარი თქვა გადასახადები და ხარჯების დაგეგმილ შემცირებაზე. ამის გამო ქვეყანა კრიზისულ ვუთარებაში აღმოჩნდა გაუარესებული ეკონომიკური გარემოთი, რაც აისახა ლარზე და რამაც დააზარალა პრაქტიკულად ყველა ოჯახი საქართველოში. აღიარებს თუ არა ის რომ გადასახადების შემცირებაზე უარის თქმა იყო უხეში შეცდომა?

2. როდესაც ის იყო ოცნების განათლების მინისტრი, მან შეუჩერა ავტორიზაცია საქართველოში ერთ-ერთ ყველაზე წარმატებულ აგრარულლ უნივერსიტეტს. აღიარებს თუ არა ის რომ ეს იყო პოლიტიკურად მოტივირებული პროცესი და უხეში შეცდომა?

3. როდესაც ის იყო ოცნების განათლების მინისტრი, მთავრობამ გასცა დაპირება რომ ქუთაისში აშენდებოდა თანამედროვე სტანდარტების ტექნიკური უნივერსიტეტი. აღიარებს თუ არა ის რომ ეს იყო მორიგი ტყუილი დაპირება?