2016-01-20 16:17

სახელმწიფო დაცვის სპეციალური სამსახურის უფროსი გენერალ-მაიორი ანზორ ჩუბინიძე, შესაძლოა, შს მინისტრად დაინიშნოს, - ამის შესახებ ინფორმაცია რამდენიმე მედიასაშუალებამ ექსკლუზიურ წყაროებზე დაყრდნობით გაავრცელა.

ამასთან, მაგალითად, "ჯი ეიჩ ენი" წერს, რომ ჩუბინიძემ შეთავაზება პირადად ბიძინა ივანიშვილისგან მიიღო. მას ამ თანამდებობაზე მუშაობა ჯერ კიდევ გასული წლის ივლისში შესთავაზეს, თუმცა მაშინ ჩუბინიძემ მინისტრის პორტფელის ჩაბარებაზე უარი განაცხადა. ჩუბინიძის უარის შემდეგ შს მინისტრად გიორგი მღებრიშვილი დაინიშნა.

რაც შეეხება სახელმწიფო დაცვის უფროსის პოსტს, „ჯი-ეიჩ-ენის“ ინფორმაციით, ჩუბინიძის ადგილს, ბიძინა ივანიშვილის დაცვის უფროსი - ალეკო თოდუა დაიკავებს.

ამ დროისთვის უცნობია სად გააგრძელებს საქმიანობას შს ამჟამიდელი მინისტრი გიორგი მღებრიშვილი.