2015-02-17 22:43

საქართველოს მესამე პრეზიდენტს მიხეილ სააკაშვილს არ ესმის, რატომ დაიწყო საგარეო საქმეთა სამინისტრომ განმარტებისთვის დაბარება უკრაინის ელჩით და რატომ არ იბარებენ აშშ-ისა და ევროკავშირის ქვეყნების ელჩებს. 

„რაც შეეხება უკრაინის ელჩის დაბარებას, მე ვერ გავიგე ერთი რამ: უკრაინის ელჩისგან რატომ დაიწყეს? იმ დიპლომატიური პასპორტებიდან ერთერთში, რომლებიც ამათ გამიუქმეს, აშშ-მა ჩამირტყა სამუშაო ვიზა, რომელიც საშუალებას მაძლევს, დაუბრკოლებლად ვიყო უკრაინაში, მივიღო შემოსავალი... ამერიკის ელჩს რატომ არ იბარებენ?

აგერ, ევროპარლამენტის საგარეო ურთიერთობათა კომიტეტმა მისწერა წერილი ინტერპოლს, ევროკავშირის ელჩს რატომ არ იბარებენ? რატომ არ ეკითხებიან განმარტებებს ნატოს წარმომადგენლებს? რა, უკრაინა დაბალი ღობე ჰგონიათ, თუ როგორაა საქმე?

ერთადერთი, რაზეც დღეს შეიძლება უკრაინის ელჩი დაიბარო, ეს არის თანადგომა, რადგან უკრაინას უდგას სიკვდილ-სიცოცხლის დღეები. ამ დღეებში ფორმდება საბოლოოდ სამაჩაბლო, ხალხო, და ეს არავის არ ახსოვს და უკრაინის ელჩს იბარებენ განმარტებებისთვის...“, - თქვა „არჩევანში“ მიხეილ სააკაშვილმა.