-
2015-02-12 14:18
„ალიას“ ინფორმაციით, პარლამენტის დამოუკიდებელი წევრი მურმან დუმბაძე და „ნაციონალი“ ლევან ვარშალომიძე თურქეთში ერთმანეთს საიდუმლოდ შეხვდნენ, სადაც „ქართული ოცნების“ წინააღმდეგ სამომავლო გეგმები დასახეს.
„წყაროს ინფორმაციით, ლევან ვარშალომიძემ და მურმან დუმბაძემ ტრაპზონში კონკრეტულ სამომავლო გეგმებზე ისაუბრეს, მიმდინარე პროცესები განიხილეს და გარკვეულ შეთანხმებებს მიაღწიეს.
წყაროს ცნობითვე, აჭარის პოლიტიკურ ცხოვრებაში დიდ ინტრიგებს უნდა ველოდოთ.
მაღალმთიან რაიონებში სხვადასხვა მუხტის შემტანი წამოწყებები იგეგმება.
მათ გეგმაში შედის მასმედიის საშუალებებით სხვადასხვა აქციებისა და ინტრიგების შექმნა-პროპაგანდა და გავრცელება, რაც საზოგადოებაში ,,ქართული ოცნების“ წინააღმდეგ დიდ უარყოფით ნაბიჯებს გამოიწვევს“,- წერს „ალია“.
გამოცემასთან ინტერვიუში მურმან დუმბაძე აღნიშნუ ფაქტს არ ადასტურებს.
„ბევრი ავადმყოფი და ტვინგამორეცხილია და პარტიებიდან გაგდებული კაცის ნაამბობზე მე რა კომენტარი გავაკეთო, ეს თემა დავით ბაციკაძის აგორებულია.
ჯერ „ნაცებში“ იყო, მერე „რესპუბლიკელებში“, ყველა პარტიიდან გააგდეს. ეს ტყუილია და ტყუილია ისიც, რომ მე ლევან ვარშალომიძესთან რაიმე სახის ბიზნესი მაკავშირებს“,- აცხადებს მურმან დუმბაძე.