2015-02-12 10:15

საპარლამენტო უმრავლესობის ლიდერი, დავით საგანელიძე უმრავლესობაში არსებულ დაპირისპირებას გამორიცხავს.

მისი თქმით, ზაქარია ქუცნაშვილს უზენაესი სასამართლოს თავმჯდომარის პოსტზე საკუთარი კანდიდატურის დაყენების საკითხზე საუბარი არც მასთან ჰქონია.

„ბოლო სამი დღეა, ერთად ვართ და კითხვა არ დაუსვამს. ამიტომ ძალიან გამიკვირდა, როდესაც უცხოეთში ვიგებ სააგენტოების საშუალებით, რომ ასეთი განცხადებები კეთდება.

ალბათ, ვერ გაერკვა სიტუაციაში. კარგია, რომ კომუნიკაცია ჰქონდეთ, ხშირად იარონ პარლამენტში. მე არ ვთვლი დაპირისპირებად. ქუცნაშვილს, ალბათ, ჰქონდა ამის სურვილი, მაგრამ არ გაამხილა," - განაცხადა საგენელიძემ.

„მე რომ თანახმა ვიყავი უზენაესი სასამართლოს თავმჯდომარის თანამდებობაზე, რატომ უნდა შემეთანხმებინა ვინმესთან? სადაა ჩემი თავისუფლება? ამის შესახებ,  როგორც პრემიერმა, ისე პრეზიდენტმაც იცოდა,“ - აცხადებს ქუცნაშვილი.