საპარლამენტო უმრავლესობის წევრის ომარ ნიშნიანიძის განცხადებით, გოგა ხაჩიძეს ბუსუსებიანი პრეზერვატივის თავზე წამოცმას მართლა დაპირდა, რადგან, მისი თქმით, არის რაღაცები, რასაც არ მოითმენს და ამის გამო ერთი-ორი კაცი შესაძლოა კიდევ გაილახოს.
ამის შესახებ ნიშნიანიძემ გაზეთ „ახალ თაობასთან“ საუბრისას განაცხადა.
„ყველა ხერხს იყენებენ საიმისოდ, რომ ანკესზე წამოგვაგონ. ჩვენ მაქსიმალურად ვიკავებთ თავს, ერთმანეთიც ხშირად გაგვიკავებია. არის რაღაცები, რასაც არ მოვითმენთ. პარლამენტში არაჩვეულებრივი არაფერი მოხდება, ერთი-ორი კაცი შეიძლება კიდევ გაილახოს. ცხადია, პროვოკატორების მხარეს მყოფები გაილახებიან“- გამაცხადა ნიშნიანიძემ.
ის ანი მიროტაძის ინიციატივასაც ეხმაურება, რომელიც დეპუტატებისთვის ერთმანეთისთვის ფიზიკური შეურაცხყოფის მიყენებისთვის სასჯელს ითვალისწინებს და აღნიშნავს, რომ ვინც დაიმსახურებს, ის გაილახება და ამისთვის ცოტა დასჯასაც აიტანს და ხელფასსაც შეელევა.
„ვინც დაიმსახურებს, ის გაილახება. ანი მიროტაძეს შემოაქვს ინიციატივა, რომ დაისჯება ის დეპუტატი, რომელიც კოლეგას გალახავს. ცოტა დასჯას ავიტანთ, ხელფასის დაკლებასაც შეველევით. ჩხუბი ჩვენ ნამდვილად არ გვინდა, მაგრამ ისინი მოდიან სულ ასე რქებით. ამაზე პასუხს რაღაცა ფორმით აუცილებლად გავცემთ. პოლემიკაშიც შევეჯიბრებით, თუ უნდათ“- განაცხადა ნიშნიანიძემ.
წყარო: newspress.ge
