2014-04-28 19:34

რუსეთის ფედერაციის საბჭოს წევრმა მაქსიმ ქავჟარაძემ ხელისუფლებას შიდა საკომუნიკაციო, დაცული ქსელის შექმნა ურჩია.

სხვა სიტყვებით რომ ვთქვათ, ქავჟარაძე მიიჩნევს, რომ რუსეთს საკუთარი, აშშ-ისა და ევროკავშირის ქვეყნების წვდომისგან დაცული ინტერნეტი უნდა ჰქონდეს, რომელსაც, ვთქვათ, „ჩებურაშკა“ დაერქმევა.

მისი თქმით, ასეთი ქსელის დაფინანსება რეგიონების დახმარებით გახდება შესაძლებელი.

რუსეთში დასავლეთისგან დამოუკიდებელი ინფასტრუქტურის შექმნის აუცილებლობა მას შემდეგ დადგა დღის წესრიგში, რაც ასშ-ისა და ევროკავშირის მიერ დაწესებულმა სანქციებმა რუსეთის ეკონომიკის ცალკეული სფეროების დასავლეთისადმი დამოკიდებულება გამოავლინა. მაგალითად, მას შემდეგ, რაც ორ რუსულ ბანკს შეუჩერეს Visa და MasterCard-ების მომსახურება, დღის წესრიგში დადგა ნაციონალური საბარათე სისტემის შექმნა და ა.შ.

ცალკე ინტერნეტის შექმნის იდეა, რომელიც მაქსიმ ქავჟარაძეს ეკუთვნის, რუსული მედიის ცნობით, აქტიურად განიხილება ხელისუფლების ზედა ეშელონებში.